الاثنين، 16 مارس، 2015

القطيع المتزلف بإقليم إفران

القطيع المتزلف بإقليم إفران
//زجل شعبي حر//

*/*البوابة الإلكترونية"فضاء الأطلس المتوسط"/آزرو-محمد عبيد*/*
كان وكان و ياما كان
أسيادنا فإقليم إفران
واحد الزعيم برمائي
 من عيون اسردون راهو ماجي
 يسابق الزمان
ويهرب للامام
 بغا يفلت من العقاب
يقلب يلبس شي جلباب
 *******
حبسنا حسبنا حبس بلاتي
 اسمع ليا ونقل لك حديثي
هذا قطيع متزلج ماشي متشنج
حتى احنا عندنا مصارين
شحال تابعها دالمصاريف
وخاصها شويا دالربيع.....
علينا اليمين وبالليمين 
مانخليوه وحدو معلوف 
منفوخ كيفو كيف الحلوف
***
 هذا قطيع متخلف.... جمعو مجمع الشمتات 
قلع من بلاد اسمها تيمحضيت بين الشعبات
 وسار مجمع لواد افران بين الكديات
لابن الصميم وعين الحناش فين قيَّل وبات
 بعيد عن الشرف وكل الخصال والتشريفات
مسلح بعدد من الشبهات وبمختلف الطرقات
لاجل دعم الفساد وترسيخها بكل السلوكات
اللي ما عندها لا أساس ولا مبدأ ولا قناعات
غرضها لاثبات الاستبداد والغش في المشروعات
 وانت ياهداك ما لك واشداك لهاد الشبوقات
 اش داك لهاد الشبوقات ا شداك لهاد الشبوقات
............
عندكم الحق.. وانا مالي وهاد الحال
 يا مُُُوكُولين المخ من اكحل الطحال
 انتم ماشي غير قطيع متزلج
 راكم قطيع متزلف
 راكم قطيع متزلف
 راكم قطيع متزلف
*******
واحبس ياوا واحبس بلاتي!!!
 بام بام !!!
 آش كاين؟
::::::::....
سيدي سعيد ومن البعيد.........

 .....سيدي سعيد ومن البعيد........

ليست هناك تعليقات:

إرسال تعليق